Liebe Bäse

Nach langem Kampf bisch Du vor dire Chrankheit erlöst worde. Mit 33 Jahr hesch Du die wunderbari Bühne vie zfrühe müese verla. Das isch nid fair und schwär zum akzeptiere, aber mir chöis nid ändere und äs ghört zum Läbe. Dr sogenannt «circle of life».

Du bisch Spieler gsi, Du bisch Vorstandsmitglied gsi, Revisor, Trainer, Mentor…. Aber vor auem bisch Du ä Fründ gsi. Du bisch ä Persönlichkeit gsi, mit ämene offene Härz, mit vieu Humor und mit dim Lache hesch Du aui chöne astecke. Du hesch üsi Junge gfördert und scho frühe in dinere Fussballkariere, hesch Du Platz für di Junge gmacht. Äs wars Vorbiud.

Du hingerlasch ä grossi Lüke; bi Dire Familie, bi Dim Brüetsch, bi Dim SCT.

Mir wärde Di, mir wärde Dini Art, Dini Philosophie und dis lache ewig i üsne Erinnerige u i üsne Härze witertrage. Üsi Gedanke in dene schwäre Stunde si bi Dinere Familie u natürlich bi Dim liebe Brüetsch.

Liebe Bäse, mir vermisse Di und mir hei Di gärn. Häb sorg da obe, gniesses und ruhe in Frieden.

Chrigu Perler

Präsident SC Thörishaus